ජීවිතයට ගරු කරන්න

Author: සරත් විජේසූරිය

Publisher: Wijesuriya Publishers

Fifteenth Edition 2020

ISBN 978-955-652-018-7

304 Pages

අඹු සැමියන් උනුන් කෙරේ ගෞරවයකින් තොරව ජීවත් වීමට මුල පුරන්නේ කෙසේද? එය කෙනෙකුගේ පැවැත්මේ වරදක්ද? දෙමාපියන්ගෙන් උරුමවූ ජීවිතයද? අධ්‍යාපනයෙන් පිබිදීම – මිල මුදල් හරි හම්බ කිරීම හෝ වස්තුව උරුම කර ගැනීම – කායිකාස්වාදය අත්කරගැනීම සැබැවින් ම ශක්තිමත් ජීවිතයක පදනමට වැදගත් වන්නේ කවරාකාරයෙන්ද? 

උසට වැඩුණු කොළ හැළුණු ගස දකින විට සිතෙන්නේ අහසට අත් ඔසවා වැස්ස අයදින බව යයි අපි සිතන්නෙමු. එහෙත් කොළ හැලී ගියද මහ පොළව තුළ මුල් දරා සිටින තුරා ගස මියදෙන්නේ නැත. එහෙත් නිසි කල ජලය නොලැබෙන – පොහොරක් නොලැබෙන හිරු එළිය අවැසි සේ නොලැබෙන වටිනා පැලයක් වූව අකාලයේ මියැදෙයි. 

අඹු සැමියන් සරල රේල් පීලි දෙකක් සේ ඉදිරියට ඇදුණද; එක වහලක් යට ජීවත් වුවද උනුන් කෙරේ ගෞරවනීය බැඳීමක් නැත්තම් ජීවිතය වෙහෙසකරය, පීඩාකාරීය, ඉමහත් සතුටින් ජිවිතයක් ආරම්භ කර කාලයක් සතුටින් කාලය ගෙවා උනුන් කෙරේ තරහින් ජීවත් වන්නේ ඇයි?

ගසක අතුපතර විහිදී හොඳින් වැඩෙයි. ඉක්බිතිව කොළ හැලී පල නොදරා ජීවයෙන් තොර බවක් පල කරන්නේ ගස වියපත් වු නිසාමද? 

මේ පොත ගෞරවනීය බැඳීම්වලින් තොරවීමෙන් වෙහෙසට පත් වූවන් ජීවිතය අත් නොහැර අභියෝගවලට මුහුණ දුන් හැටි විස්තර කරයි. 

#JeewithayataGaruKaranna #SarathWijesuriya #SinhalaPoth #Ugadiviya