වැඩ බැරි දාස ගැන කතා – අනතුර

Author: මහින්ද සෙනරත් ගමගේ

( by Nicolai Nosaw) ළමා කෘතියක සිංහල පරිවර්තනයකි.

Publisher: Sayuri Publishers

ISBN 978-955-1889-69-2

16 Pages

වැඩබැරි සහ යාලුවන් ගැන කතා 30කි.  ඔවුන්ගේ  කුසුම් පුරයේ  විස්තරවලින් ඇරඹෙන මෙම කතා පෙළ වැඩ බැරිගේ විස්තරත් , ඔවුන් ගුවන් ගමනක යෙදුණු සැටිත්,   හරිතපුරයට ඔවුන්  පැමිණෙන අයුරුත්, හරිතපුරයේ සහ සරුංගල්පුරයේ විස්තරත්, එම පුරයන්හිදී මේ මිතුරන් කළ කී දෑත්,  වැඩබැරි හොඳ ළමයෙකු වී සියල්ල නැවත කුසුම්පුරයට පැමිණෙන අයුරුත් මේ කතා පෙළෙන් කියැවේ. ළමා ලෝකයට   හාස්‍යයත්,   දැනුමත් සමග මානව දයාව පිළිබඳ සියුම් හැඟීමත් ගෙන එන මෙම කතා පෙළ, නිකොලායි නෝසව් නම් ලෝ පතල රුසියානු ලේඛකයා බිහි කළ හොඳ ම නිර්මාණ වලින් එකකි.

මෙම පොත් පෙළ සිංහලට නගා මුද්‍රණය කොට ප්‍රකාශයට පත් කිරීමට කොළඹ රුසියානු කේන්ද්‍රයේ අමිතා  මහත්මිය ඇතුළු සේවක මණ්ඩලයත්, ප්‍රොග්‍රෙසිව් පබිලිෂින් හවුස් හි ලතා දිසානායක මහත්මිය ඇතුළු සියලු දෙනාත් ,  උපාලි ගම්ලත් මහතාත්,  ඔස්ට්‍රේලියාවේ අනුර පෙරේරා  මහතා ඇතුළු  පවුලේ සැමත්  පරිගණක පිටු සැකසුම් සිදුකිරීමේදී ගයානි නිලංකා  ගලගෙදර මෙනවිය  සහ ප්‍රබෝධා තිළී ගමගේ  දියණියත්,  සමන් ප්‍රියංකර  මහතා ඇතුළු  සයුරි ආයතනයේ සියලු දෙනාත්,  නමින් සඳහන් නොකළ තවත් කිහිප දෙනෙකුත්  අපට  සහ සහයෝගය ලබා දුන් හ.

#Anathura #MahindaSenarathGamage #SinhalaPoth #ParivarthanaPoth #OnlineBooks