සිරියාලතා

Author : ඩබ්ලියු. ඒ. සිල්වා 

Publisher : S Godage & Sahodarayo (Pvt) Company 

Twelfth Batch 2018

ISBN 955-20-0390-3 

240 Pages 

සියුම් කලාකාරියක් හැටියට නාට්‍ය රසයෙන් පර්පූර්ණ ප්‍රථම සිංහල නවකතාව- සිරියාලතාව – බිහි කිරීමෙන් සතළොස් වියෙහිදීම පාඨකයන්ගේ ඉමහත් ගෞරවාදරය දිනූ වැල්ලවත්ත ආරච්චිගේ ඒබ්රහම් සිල්වා 1890 ජනවාරි 16 වැනි දින වැල්ලවත්තේ මධ්‍යම පංතියේ පවුලක උපන්නේය. හෙළදිව මහ කතා කරු මෙන් අඩ සිය වසක් සපුරා බැබැළුණේය. හෙතෙම, ජන්ම දායාදය වශයෙන් ලත් කලා කෞශල්‍යය ඇත්තේ වීය. සිංහල, පාළි, සංස්කෘත, ඉංග්‍රීසි ආදී භාෂා ශාස්ත්‍රයන්හි හසල බුද්ධියෙන් විශාරද විය. ලෝකයාගේ චරිත ලක්ෂණ හැඳිනීමේ තියුණු නුවණින් ප්‍රවීන විය. අවලෝකනයෙන් හා ප්‍රතිභා ශක්තියෙන් අග්‍රප්‍රාප්ත විය. තමා විසින් ම නිර්මිත නිරාකූල ව්‍යක්ත ශෛලියකින් සිය බසේ හාස්කම් දැක්වීය.

නවකතා චක්‍රවර්ති – සාහිත්‍ය කීර්ති වැනි විරුදාවලියෙන් පුද ලද මේ අසහාය ලේඛකයාගේ නව නිෂ්පාදනයක රස විඳුනා කුසල බලය, 1957 මැයි 31 වැනි දා සිට පාඨකයන් කෙරෙන් සඳහටම තුරන් වී ඇත්තේය. එහෙත් සිය බස වෙනුවෙන් සිය දිවි කැප කොට, ඔහු අතින් ලියැවුණු මිණි-මුතුවන් මහ පොත් රැසක් නොනැසී පවත්නේය.

#Siriyalatha #WASilva #SinhalaNawakatha #OnlinePoth #OnlineBooks