ලීලා

Author : මාර්ටින් වික්‍රමසිංහ 

Publisher : Sarasa Publishers

Fourteenth Batch 2018

ISBN 978-955-0201-30-3

108 Pages

“ මාර්ටින් වික්‍රමසිංහ මහතා විසින් මා වෙත එවන ලද ‘ ලීලා ’ නම් අභිනව ප්‍රබන්ධ කථාවෙන් කොපියක් ලැබී ස්තුති සහිතව භාරගෙන කියවා බැලීමි. 

මට නොඑක් විට ලැබෙන පොත්පත් සම්බන්ධ ගුණ දෝෂ පරීක්ෂණයට නොවෙහෙසෙන නමුත් මේ පොත ගැන විශේෂ වශයෙන් යමක් ලිවීමට අදහස් විය. මක්නිසාද යත් මාර්ටින් වික්‍රමසිංහ මහතා යම් යම් දේ සොයා බලා පරීක්ෂා කොට බලා ඇත්ත නැත්ත තෝරි බේරා ගැනීමට ආසා ඇත්තෙකැයි පෙනෙන හෙයිනි.”

යගිරල පඤ්ඤානන්ද හිමි                                                                                                                                                                                                     සරසවි සඳරැසල 1919 ජූනි 19 

“ ලීලා නවකාවට පසුබිම් වී ඇත්තේ විචාරයෙන් තොරව බටහිර පමණක් නොව පෙරදිග ද පාරම්පරික අදහස් හි සිරිත් විරිත් අනුකරණය කිරීමයි. නවකතාවේ අදහස් ප්‍රකාශනයට හසු වී ඇති සමාජ වාතාවරණයත් ඒ පිළිබඳව කෙරෙන විවේචනයත් අදට ද වලංගු වේ. ලීලා කොතෙක් දුරට වර්තමාන සාහිතය විචාරය අනුව අගය කිරීමකට ලක් කළ හැකි ද යන්න විමසීමේදි එය වැදගත් වේ. පැරණි සාහිත්‍යය තත්කාලීන විචාර ධර්මයෙහි පිහිටා අගය කිරිමේ කාර්යය ආරම්භ කරන ලද්දේ මාර්ටින් වික්‍රමසිංහ විසිනි.”

 චන්ද්‍රා අමරසේකර                                                                                                                                                                                                                   සබරගමුව විශ්ව විද්‍යාලයේ භාෂා හා සමාජ විද්‍යා අංශයේ හිටපු පීඨාධිපතිනි

#Leela #MartinWickramasinghe #SinhalaPoth