අපූරු ඉස්කෝලේ අපූරු සොයුරි‌යෝ (3)

Author : සුදත් රොහාන්

St.Clare’s 3 (by Enid Blyton) කෘතියේ සිංහල පරිවර්තනය

Publisher : Tharanga Publishers

First Edition 2002

ISBN 978-955-657-285-8

139 Pages

” මම හිතන්නේ මේවා රීට ට ඕනෑ නැති ව ඇති . ඔව් ….. මේ පරණ සටහන් ගොඩක් නේ .” 

එසේ සිතූ ඇලීසන් මේසය උඩ තිබූ කඩදාසි ගොන්න අතට ගත්තා ය . ඉන් පසුව වහ වහා උදුන ළඟට ගිය ඇය කඩදාසි ගොන්න ලිපට ඔබා ගිණි දැල්වූවා ය . රීටාගේ වේදනාත්මක බෙරිහන් දීම ඇයට ඇසුණේ ඒ වෙලාවේදී යි . 

” මං හිතුවා …. මං හිතුවා ඔයා මගේ ප්‍රශ්න පත්‍ර ටික ගනියි කියලා . අනේ දෙවියනි . ඔයා ඒවට ගිනි තිබ්බද ? මෝඩ කෙල්ල … ඔයා මගේ ප්‍රංශ සටහන් ටිකට ගිනි තිබ්බද ?”

 රීටා බෙරිහන් දෙමින් ගිනි උදුන අසලට දුව එද්දි ඇලිසන් බියපත් ව පැත්තකට වූවා ය . ගිනි දළු වෙලෙන කඩදාසි ගොන්න ඉවතට අදින්නට උත්සාහ කළ ද ඒ උත්සාහය සාර්ථක වූයේ නැත . ගිනි දළු වලට තුරුලු වූ ඇගේ වටිනා සටහන් ගොන්න කලු පැහැති අළු ගොඩක් බවට හැරී තිබිණි .

#ApooruIskoleApooruSoyuriyo #SudathRohan #LamaintaKiyaweemata #STClares