මුහුදු විල

Author : යසේන්ද්‍ර රණවක

Publisher : Sarasavi Publishers

First Edition 2021

ISBN 978-955-31-2486-9

394 Pages

පොළොව හොල්ලාගෙන ගිය බස් රථය තට්ටු ගණන් උස ගොඩනැගිලි අතරේ අගුටුමිට්ටෙක් වූවේය . ඉස්සරහින් ද පස්සෙන් දවට කර ගත් වාහන කඩි රැළට බිය වූවාක් මෙන් වේගය අඩු වූවේ ය . හංදියක් හංදියක් ගානේ නවතින්නට ද වූවේය . හතර වටේ බලමින් ගිය පියසිරි යාබද අසුනේ සිටි හේමරත්න සර් දෙස බැලුවේ ය . සහ වගක් නැතුව නිදා සිටියේය . 

මහා නැවතුම් පොළකට පැමිණි බස් රථය නතර වුවේය .

 ” කොළඹට ආවා බහින්න . ” කොදොස්තර කෑගැසුවේ ය . 

” සර් …. සර් . බස් එක කොළඹට ඇවිත්හු දැන් නැගිටින්න ……. නැගිටින්න . ‘ පියසිරි කලබල වූවේය . තිගැස්සී අවදි වූ හේමරත්න , ” හරි .. හරි .. ඉක්මනට යං . ගෑස් පහට ගිහින් එකසිය හතළිස් පහක් අල්ලා ගන්න ඕනෑ ” කියමින් බසයෙන් බැස ගත්තේය . ” කිරි අප්පච්චි ……… ර් . මහා ලොකු ටවුමක්නේ . ” පාර බලාගෙන යමං . මෙහෙ වාහන වැඩියි . ” 

ගෑස්පහට ගිහින් එකසිය හතළිස් පහක් අල්ලා ගන්නා ආකාරය දැක ගැනීමේ කුතුහලයෙන් යුතුව පියසිරි , හේමරත්න මහතාගේ පසුපස දුවන්නට වූවේය .

#MuhuduVila  #YasendraRanawaka #LamaintaKiyaweemata